தர்மதுரை

வாழ்க வளமுடன்!

இயக்குனர் சீனு ராமசாமி அவர்களுக்கு வணக்கம்,

தர்மதுரை படத்தை திரை அரங்கில் பார்த்தேன். உங்கள் படங்கள் மூன்றையும் திரை அரங்கில் பார்த்திருக்கிறேன்... தர்மதுரையில் நீங்க காட்டி இருக்கும் பகுதிகள் அருமையாக உள்ளன... கண்ணுக்கு இதமாக இருந்தது... நடிகர்களின் நடிப்பு அருமையாக இருந்தது...

மூன்றாம் பாலினத்தவர் மீது காட்டவேண்டிய பரிவு உங்கள் மீது மதிப்பை உயர்த்துகிறது. இந்த படம் பலருக்கும் உத்வேகத்தை கொடுத்திருக்கும் என்பதில் சந்தேகம் இல்லை. மருத்துவர் ராமதாசு அவர்கள் தொடர்ந்து வலியுறுத்தும் கருத்தை நன்கு படம் ஆக்கி உள்ளீர்கள். மருத்துவப்படிப்பு முடித்தவர்கள் சிற்றூர்களுக்கு சென்று சேவை செய்ய வேண்டும் என்று பல காலமாக அவர் சொல்லிவருகிறார். அமைச்சராக திரு. அன்புமணி எடுத்த முயற்சிகளுக்கு எதிர்ப்பு நிலவியது... ஆனால் உங்கள் படத்தை எல்லாரும் பாராட்டுகிறார்கள்...

தென்மேற்கு பருவக்காற்று கவர்ந்த அளவுக்கு தர்மதுரை என்னை கவர வில்லை காரணங்களை இங்கே கொடுக்கிறேன்.. உங்கள் முதல் படம் குறித்து நான் எழுதிய விமர்சனத்தை பின்னூட்டத்தில் கொடுத்துள்ளேன்...

1) உங்கள் முதல் படத்தில் தீர்வுகள் அனைத்தும் உள்ளூரிலேயே இருந்தது. இந்த படத்தில் தீர்வை தேட அசலூருக்கு போக வேண்டியதாக இருக்கிறது.

2) சில வருடங்களுக்கு முன்னர் உங்கள் மனைவியின் கல்வி குறித்து பதிவு செய்திருந்தீர்கள். அந்த பதிவை படித்த போது எனக்கு வருத்தமாக இருந்தது. உங்கள் முதல் படத்தில் கூட ஒரு வசனம் "நம்ம சீயானுக்காக ஜெயிலையே காட்டினாங்க" என்பதாக. எதற்க்காக ஒரு சமுதாயத்தை தொடர்ந்து படிக்காத தர்க்குறிகளாக அல்லது குற்றபரம்பரையாகவே தொடர்ந்து காட்ட வேண்டும்? ஏன் திரு. மூக்கையா தேவர் அவர்கள் அந்த காலத்திலேயே படிக்கவில்லையா? அவருக்கும் முன்னாலேயே பலரும் படித்திருக்கிறார்களே. திரு. சுந்தர வந்திய தேவன் அவர்கள் தன்னுடைய புத்தகத்தில் பதிவு செய்திருக்கிறாரே. .

3) திருமணம் குடும்பம் போன்ற நிறுவனங்கள் மீது காலப்போக்கில் மக்களுக்கு நம்பிக்கை குறைந்து விடும் என்று உங்கள் நண்பர் கவிப்பேரரசு வைரமுத்து ஒரு முறை சொன்னார். அதன் தாக்கம் உங்களுக்கு அதிகம் இருப்பது போல் உள்ளது. பழனி படம் போல இருக்க வேண்டாம் ; மறைந்த இயக்குனர் ராசு மதுரவன் அவர்களின் மாயாண்டி குடும்பத்தார் போல் இருக்கவேண்டும் என்று சொல்லவில்லை..ஆனால் சகோதரர்களை ஏன் இப்படி இவ்வளவு மோசமானவர்களாக காட்ட வேண்டும்?

4) முதல் படத்தில் நிறம் குறித்த காட்சி அழகாக இருந்தது. அந்த பெண்ணை திருமணம் செய்யாமல் வேறு ஒருவரை காதலித்து திருமணம் செய்வது போல காட்டி இருந்தீர்கள். இந்த படத்திலும் சிற்றூர் பெண்ணின் காதல் கை கூடாமல் போவது போல காட்டி இருக்கிறீர்கள். மகிழ்ச்சி. இப்படி காட்டுவது போல தொடர்ந்து காட்டுவது நல்லது. திரைப்படத்தில் இப்படி அவர்கள் சேர முடியாமல் போவதன் மூலம் உண்மையில் பலரும் சேருவார்கள். உதாரணத்துக்கு சொல்வதென்றால், தேவர் மகன் திரைப்படத்தில் தெலுங்கு பெண் கவுதமியும் தமிழ் ஆன் கமலும் ஒன்று சேராததுபோல காட்டி இருப்பார்கள். கட்டாயம் அந்த படத்துக்கு பின் தமிழ் ஆண்கள் பலரும் தெலுங்கு பெண்களை காதலித்து திருமணம் செய்து இருப்பார்கள். கிருத்துவ பெண்ணின் காதல் கை கூடாமல் போவதென்பதும் வழக்கமான தமிழ் சினிமா பாணி தான். பேராண்மை படத்தில் கதாநாயகனை காதலிக்கும் முகமதிய பெண் இறந்துவிடுவார்... ஆனால் இந்த படத்தில் எனக்கு இருக்கும் ஒரே பிரச்னை என்னவென்றால்... கதாநாயகனுக்கு தோல்விகளுக்கு பின் புகலிடமாக அல்லது வாழ்க்கையில் ஒரு மாற்றத்தை கொண்டுவருபவராக ஒரு தெலுங்கு பேசும் திரிவடுகரை காட்டி உள்ளீர்கள்.

5) கர்மவீரர் காமராசரை மீண்டும் நிறுவது உங்கள் தெரிவு. மகிழ்ச்சி. ஆனால் அதற்காக மாயாண்டி அல்லது முனியாண்டி போன்ற பெயர்களை ஏன் பகடி செய்யவேண்டும்.

6) நடிகர் கமல் போன்றோர் திட்டமிட்ட எதிர்மறையான பரிவை தமிழர்கள் மீது காட்டி வருகிறார்கள். பாரதிராஜா ; வைரமுத்து உட்பட உங்களைப்போன்ற இயக்குனர்களுக்கு ஏதாவது திராவிட நிர்ப்பந்தம் இருக்கிறதா?

ஒரு சமுதாயத்தை அடகு வைப்பது போல உணருகிறேன்...

குறிப்பு : நான் வன்னியர் / கள்ளர் சமுதாயத்தை சேர்ந்தவன் இல்லை.

நன்றி,

வெயில்

வளர்க வையகம்!

நடிகர் விஜயகாந்த் எதற்க்காக தில்லிக்கு போனார்?

தமிழகத்தின் சிறந்த எதிர்க்கட்சித்தலைவர் ராமதாஸ் : ஒரு ஆச்சரிய சர்வே! நான் ஒரு மாதமாகவே பத்திரிகைகளை படிக்கவோ, தொலைக்காட்சியில் செய்திகள் எதனையும் பார்க்கவோ இல்லை. எனது மகனின் படப்பிடிப்புக்காக மலேசியா சென்றிருந்தேன்" - விஜயகாந்த் (விகடன் 04/04/2015).

அடுத்த சில வாரங்களிலேயே நடிகர் விஜயகாந்த் தன் நாடகத்தை நடாத்துகிறார் தில்லியில். பத்திரிக்கைகள் அதற்க்கு முக்கியத்துவம் கொடுக்கிறார்கள்.

நடிகர் விஜயகாந்த் குறித்த பகடிகள் தொடர்ந்து வருவது அவருக்கு எதிரானது அல்ல. நல்லதோ கெட்டதோ. ஒரு அரசியல்வாதியாக மக்கள் மனதில் நிலைநாட்ட நடக்கும் நாடக வியாபார யுக்தி தான். கருணா பற்றியும் லாலு பற்றியும் ராகுல் பற்றியும் பகடிகள் தொடருவது ஏன். மக்களின் பார்வையிலும் செவியிலும் தொடர்ந்து படவேண்டும்.

உடனே என்ன இப்படி சொல்லிவிட்டீர்கள். அவர் எவ்வளவு பெரிய நடிகர் தெரியுமா என்று பாடம் எடுக்காதீர்கள். ஒரு நடிகனை, நடிகனாக கொண்டாடுவதற்கு எனக்கு பாடம் தேவையில்லை. இரண்டு வாரத்துக்கு கூட ஒரு படத்தை ஓட்ட முடியாத இன்றைய நிலையில், கேப்டன் பிரபாகரன் திரைப்படம் அருப்புகோட்டை லட்சுமி திரை அரங்கத்தில் ஆறு வாரங்கள் அன்று ஓடியது எப்படி என்று புரியாதவன் இல்லை.

ஆனால் எந்த நாளும் எந்த ஒரு நடிகரையோ நடிகையையோ அரசியல் தலைவராக ஏற்றுக்கொள்ள முடியாது. நாமென்ன கர்மவீரர் காமராசரா, நடிகர் திலகத்தை ஒருபுறம் பரப்புரைக்கு அழைத்து செல்வதும், மறுபுறம் கலைவாணரை பார்த்து, "கூத்தாடிகள் எல்லாம் அரசியலுக்கு லாயக்கில்லைங்குறேன்" என்று சொல்லுவதற்கு.

புகைப்பட உதவி நன்றி விகடன்.

விகடன் கட்டுரை : http://www.vikatan.com/news/article.php?aid=44687

ஏமாறாதே ஏமாற்றாதே...

இன்றும் பலபேரை பார்க்கிறோம் நெருங்கிய நண்பர்களாக இருப்பார்கள். ஒருகட்டத்தில் சேர்ந்து தொழில் செய்யலாம் என்று முடிவெடுப்பார்கள். இருவருமே தொழில் தெரிந்தவர்களாக இருந்தால் பிரச்சனை இல்லை. பல நேரங்களில் அப்படி இருப்பதில்லை. 

"மச்சான் இந்த தொழில் பத்தி எனக்கு ஒன்னும் தெரியாது. உன்ன நம்பித்தான் பணத்த போடுறேன். நீ தான் பாத்துக்கணும்." 

"கவலைப்படாத மச்சி பதினஞ்சு வருசத்துக்கு மேல இந்த தொழில்ல இருக்கேன். எல்லா நெளிவு சுழிவும் எனக்கு தெரியும். நட்டம் வருமேன்னு பயப்பட்டா ; லாபத்த பாக்கமுடியாது."

இப்படி ஆரம்பிக்குற பல தொழில்களும் கடைசில எப்படி முடியுது?  சினிமா மாதிரி தான் முடியுது. சினிமா தயாரிப்பாளர்கள் மனசுல என்ன இருக்கு. போட்ட முதல் திரும்ப வரணும். பிரஸ் மீட்ல இயக்குனர் இப்படி சொல்லுவாரு, "இந்த மாதிரி ஒரு தயாரிப்பாளர் கிடைக்க நான் குடுத்துவச்சிருக்கணும். எந்த குறுக்கீடும் இல்லாம எங்க வேலைய செய்யவிட்டாறு. அதனால தான் இந்த படம் இவ்வளோ சிறப்பா வந்திருக்கு."

படம் வெற்றினா அது இயக்குனரையும் நடிகரையும் சேரும். தோல்வினா, அடுத்த பிரஸ் மீட்ல இப்படி சொல்லுவாங்க. "நான் எதிர்பார்த்த மாதிரி படம் பண்ண முடியல சார். நானும் தயாரிப்பாளர் தான்னு சொல்லீட்டு மஞ்சப்பைல பணத்த தூக்கிட்டு வர்றாங்க. ஒரு மண்ணும் புரியாதவங்களா இருக்காங்க. எல்லாத்துலையும் மூக்க நுழைச்சா எப்படி. நான் எதிர்பார்த்த பட்ஜெட்ல படம் எடுக்கு முடியல. எவ்வளோ காம்ப்ரமைஸ் செஞ்சுகிட்டேன்."

சினிமா வியாபாரத்தில் நஷ்டம் ஏற்பட்டு விட்டது என்று பணத்தை திருப்பி கேட்பது சரியல்ல: நடிகர் கமலஹாசன்.

ஐம்பது வருடங்களுக்கும் மேலாக சினிமா துறையில் இருக்க கூடியவர் ; ஓடும் படங்களை சொந்த பணத்திலும் ஓடாத படங்களை ஊரான் பணத்திலும் எடுப்பவர். இவர் சொன்னால் சரியாகத்தான் இருக்கும்.

சரி ஒண்ணா சேர்ந்து தொழில் செஞ்ச நண்பர்கள் கதைக்கு வருவோம். தொழில் நல்லா போச்சுன்னா நல்லது. இல்லைனா என்ன நடக்குது.

"என்ன மச்சான் உன்ன நம்பித்தான் முதல் போட்டேன் இப்ப என்ன செய்யுறது?"

"மச்சி நான் சொல்லுறேன்னு தப்பா எடுத்துக்காத. தொழில்னா லாபம் நட்டம் மாறி மாறி தான் வரும். இன்னும் அதிக பணம் போடு. விட்டத எடுத்துடலாம்."

முதலீட்டாளார்களுக்கு :

பலபேரு நிர்வகிக்குற பங்கு வர்த்தகத்துல பணத்த போட்டாலும் சரி; நெருங்கிய நண்பனோட தொழில்ல பணத்த போட்டாலும் சரி, due diligence என்று சொல்லப்படும் சாதக பாதகங்களை அலசிப்பார்க்கும் வேலைய ஆரமத்துல இருந்து ஒவ்வொரு கட்டத்துளையும் சரியா செய்யணும். அதுக்கு தொழில் தெரிஞ்சிருக்கனும்கிறது அவசியம் இல்ல.

அடுத்தவர்கள் முதலீட்டில் தொழில் செய்பவர்களுக்கு : 

பத்துவருசத்துக்கு மேல ஒரு தொழில்ல இருக்க உங்களால தோல்விய முன்கூட்டியே கணிக்க முடியலைனா. நீங்க திறமைசாலி இல்லைன்னு அர்த்தம். தொழில சரியா கத்துக்குரதுல ; தொழில் செய்யுறதுல திறமை இல்ல உங்களுக்கு. 

இல்ல நான் திறமையானவன் தான். இந்த முறை சருக்கிடுச்சுனு சொன்னீங்கன்னா. உங்களுக்கு மலையாளத்துல ஒரு வார்த்தை சொல்லுறேன்.  "மட்டுல்லோரே பட்டிகருது மாஷே..." பட்டிக்காட்டான் மஞ்சப்பை

தமிழ் சினிமா பகுதி I

வேற எந்த ஊர்லயும் இல்லாத அளவுக்கு தமிழ்நாட்டுல சினிமா மோகம் அதிகம் இருக்கு. வரிசையா சினிமாக்காரனும் சினிமாகாரியும் தான் ஆளுறாங்க. ஆனா பணம் கொடுத்து படம் பார்க்கவர்ற தமிழ் ரசிகர்களுக்கு தமிழ் சினிமா நேர்மையா இருக்கா..

சினிமான்னு இங்க சொன்னாலும், சினிமா மட்டுமில்லாம அரசியல் இயக்கங்கள் அப்படீன்னு சொல்லி திரியும் போலி இயக்கங்கள் ; பத்திரிக்கைகள் ; தொலைகாட்சி தொடர்கள் ; நிகழ்ச்சிகள் ; விளம்பரங்கள் செய்யும் தமிழின அழிப்புக்கு சில இலக்கணம் உண்டு அதன் பட்டியல் இங்கே.

1992 இல் வெளிவந்த தேவர் மகன் ; 2004 இல் வெளிவந்த விருமாண்டி. முதல்ல இந்த இரண்டு படங்கள்ல இருந்து ஆரம்பிக்கலாம். ஏன்னா ஒரு பானை சோறுக்கு ஒரு சோறு பதம்னு சொல்லுற மாதிரி ஆரிய திராவிட நபர்களால் இயக்கப்படும் தமிழ் சினிமா / பத்திரிக்கைகள் செய்துவரும் தமிழ் இன எதிர்ப்பு வேலைகளுக்கு இந்த இரண்டு படங்களும் நல்ல எடுத்துக்காட்டா இருக்கு. 

நகரத்தில் இருப்பவர்களை காட்டிலும் கிராமத்தில் வசிக்கும் மண்ணின் மைந்தர்கலான தமிழர்களுக்கு தான் தமிழ் சினிமா அதிக பாடம் எடுத்திருக்கு.

முதல் பாடம் என்னனா, குடி பெயர்தல் / இடம் பெயர்தலை (நகரமயமாக்கல்) ஊக்குவிக்கனும். பிறந்த ஊரையும் ; சொந்தக்காரர்களையும் (இத சாதி சனம்னும் சொல்லலாம்) பிரிந்து அசலூர்ல சில வருடங்கள் கண்டிப்பா இருக்கணும். முடிஞ்சா மொத்தமா அசலூர்ல போய் அங்கேயே தங்கிடனும். [தன் சமூகத்தில் இருந்து பிரிந்து, தான் மட்டும் தனித்துவத்தோடு இருத்தல் என்ற நிலை.]

தேவர் மகன் படத்துல, அசலூருக்கு போய் படிச்சிட்டு வந்த கமலஹாசன் எல்லாத்தையும் அறிவுப்பூர்வமா யோசிப்பாரு. ஆனா அந்த ஊருலயே இருக்க மத்தவங்க எல்லாரும் அதிக உணர்ச்சிவயப்படுபவர்கலாகவும் ; பழிக்கு பழி வாங்க துடிப்பவர்கலாகவும் ; எதிர்மறை எண்ணம் கொண்டவர்களாகவும் இருப்பார்கள். விதிவிலக்காக நடிகர் திலகம் சிவாஜி கணேசன் கதாபாத்திரம் ;  உணர்ச்சிப்பூர்வமா மட்டும் இல்லாம தொலைநோக்கு பார்வை கொண்டு அனைவரையும் அரவணைத்து செல்பவரா இருப்பாரு.

விருமாண்டி படத்துல, கமல் அசலூருக்கு போய் வேலைபாத்துட்டு வந்திருப்பாப்புல. அதனால தப்பு செஞ்சா, குற்ற உணர்ச்சி கொண்டவரா காட்டீருப்பாங்க. இந்த படத்துல தமிழை தாய்மொழியாக கொண்ட உள்ளூர்காரர்கள் எல்லாரும் (காவல் துறை அதிகாரி உட்பட), காட்டுமிராண்டிகளாகவும் ; பொய் சொல்பவர்களாகவும் ; சொத்துக்காக துரோகம் செய்பவர்களாகவும் இருப்பார்கள். தெலுங்கை தாய்மொழியாக கொண்டு அசலூரில் இருந்து வந்து இங்கே குடியேறிய திராவிடரும் அவருடைய சொந்தக்காரர்கள் எல்லாரும் தர்மத்தின் தலைவர்களா நடந்துப்பாங்க. விதிவிலக்கா தமிழர்கள் தரப்புல, அபிராமி கதாபாத்திரம் தன்மையா  நடந்துக்கும். (ஏன்னா அந்த கதாபாத்திரம் தன் சொந்தபந்தகளிடம் இருந்து எப்பவுமே விலகியே இருக்கும்)

இரெண்டாவது பாடம் என்னனா, நமக்கு தெரியாத ஒரு மொழிய நம்ம எதிராளி நம்மகிட்ட பேசினா ; அந்த மொழிய கத்துகிட்டு திரும்ப அவன் கிட்ட திருப்பி பேசுறத பெரிய கெத்தா நினைக்கணும். 

தேவர் மகன் படத்துல வம்புக்கு மதன் பாப் ஆங்கிலத்துல  பேசுவாப்ள, அப்ப கமல் திரும்ப துறை மாதிரி ஆங்கிலத்துல பேசுவாப்ல. அப்படினா ஆங்கிலமே தெரியாத ஒருத்தன் அந்த நேரத்துல எப்படி கையாளுவான்? ஸ்ரீதேவி நடித்து வெளிவந்த "English Vinglish" படமும் அந்த வகையறா தான். இன்னமும் இங்கிலீஷ்காரன் முன்னாடி நல்லா இங்கிலீஷ் பேசிட்டா அதுல ஒரு பெருமை. அவன் நம்ம மொழிய பேசி பெருமபட்டிருக்கானா? எப்பவுமே இந்த அடிமை எண்னத்த தான் இவர்கள் விதைப்பார்கள்.

தேவர் மகன் படத்துல இன்னொரு தேவை இல்லாத வசனம் வரும். "சரியான கள்ளனையா நீர்" "இல்ல நான் மறவன்". சாதிகளாக மட்டும் இல்ல உட்பிரிவுகளாகவும் தமிழன் பிரிந்து கிடந்தால் தான் ஆரிய திராவிடர்களுக்கு பொழப்பு ஓடும்.

தேவர் மகன் படத்தோட இயக்குனர் பரதன் யாரு ? ஆவாரம்பூனு படம் எடுத்திருக்காரு. அவரு ஒரு மலையாள மொழி பேசும் திராவிடர். இளவட்டமா இருக்கும் போது வேலைவெட்டி இல்லாம பொள்ளாச்சில இருக்கும் போது ஒரு தமிழ் பொண்ண தறுதலையா காதலிச்சிருக்காரு. அது கைகூடல. அந்த உள்ளநோக்கத்தால இப்படி படம் எடுத்திருக்காரு.

மூணாவது பாடம் என்னனா, மனித உரிமைகள் பத்தி தெரிஞ்சுக்கணும்னா ; விலங்குகள் மீது நமக்கு பாசம் இருக்கணும்னா நாம ப்ளூ க்ராஸ்ல  சேரனும் இல்லைனா கிருத்தவனா இருக்கணும்.

ஏர் தழுவுதல் அப்படினா என்ன அது எதுக்காக நடத்துறாங்க எதைபத்தியும் முழுசா தெரிஞ்சுக்க கூடாது. ஜல்லிக்கட்டு அது ஒரு காட்டுமிராண்டி விளையாட்டு. மிருகத்த வதம் செய்யுறாங்க அப்படீன்னு கூச்சல் போடணும். (விருமாண்டி படத்துல நடிகை ரோகினியோட கதாபாத்திரத்தோட பேர யோசிச்சு பாருங்க)

தமிழர்களின் மன நிலைக்கும் வரலாற்று பழக்கவழக்கங்களுக்கும் தொடர்பில்லாதவற்றை, தமிழர்களின் இயல்பாக சித்தரித்தல் (கண்மாய் உடைத்தல் வைக்கோல் போருக்கு தீ வைத்தல்)

சிற்றூர்களில் வசிப்பவர்கள் அவர்களுக்கிடையில் சண்டை என்றால் என்னென்ன செய்வார்கள் என்று தமிழில் வெளிவந்துள்ள திரைப்படங்கள்  உண்மைக்கு புறம்பான நியாயமற்ற ஒரு தவறான பிம்பத்தை கட்டமைத்துள்ளன. குளம் ; குட்டை ; கண்மாய் போன்றவற்றை  உடைப்பவர்கலாக அல்லது விவசாய விலை பொருட்களுக்கு தீ வைப்பவர்களாக சித்தரித்திருப்பார்கள்.

ஆனால் உண்மை நிலவரம் என்ன? ஒரு சம்சாரியின் வைக்கோல் படப்பில் எதிர்பாராத விபத்தின் காரணமாக தீ பிடித்தால், அந்த சம்சாரியின் வீட்டை ஒரு துக்கம் நடந்த வீடாக கருதி, வெளியூர்களில் இருப்பவர்கள் கூட வந்து துக்கம் விசாரிப்பதையும் ; ஆதரவாக இருப்பதையும் கடமையாக கருதியவர்கள் தமிழர்கள். திருமணத்துக்கு போகமுடியாவிட்டாலும் பரவா இல்லை துக்க வீட்டுக்கு கேதம் கேட்க கண்டிப்பாக போகவேண்டும் என்று சொல்லி வளர்ப்பார்கள். 

வெறுப்பை உமிழ்ந்த பாரதி கண்ணம்மா என்ற திரைப்படம் வெளியான பிற்ப்பாடு அந்த திரைப்படத்தை ஒட்டி சாதிய மோதல்கள் நடந்து பலபேருடைய உயிர் பறிபோனது. அதன் காரணமாக இயக்குனர் சேரன் மீது பலருக்கும் என்றைக்குமே வெறுப்பு உண்டு. இருந்தாலும் கூட சேரனுடைய மகள் காதல் விவகாரத்தில் ஒரு கயவனிடம் சிக்கியபோது, அந்த பெண் மீண்டுவந்து நல்ல வாழ்க்கை வாழவேண்டும் என்று நினைத்தனர் பாதிக்கப்பட்டவர்கள். இது தான் தமிழர்களின் வழக்கம். தீங்கை விளைவித்தவனுக்கு துன்பம் நேரும்போது அவனுக்காக வருந்துவது தமிழனின் இயல்பு.

தொடரும்...