ஏமாறாதே ஏமாற்றாதே...

இன்றும் பலபேரை பார்க்கிறோம் நெருங்கிய நண்பர்களாக இருப்பார்கள். ஒருகட்டத்தில் சேர்ந்து தொழில் செய்யலாம் என்று முடிவெடுப்பார்கள். இருவருமே தொழில் தெரிந்தவர்களாக இருந்தால் பிரச்சனை இல்லை. பல நேரங்களில் அப்படி இருப்பதில்லை. 

"மச்சான் இந்த தொழில் பத்தி எனக்கு ஒன்னும் தெரியாது. உன்ன நம்பித்தான் பணத்த போடுறேன். நீ தான் பாத்துக்கணும்." 

"கவலைப்படாத மச்சி பதினஞ்சு வருசத்துக்கு மேல இந்த தொழில்ல இருக்கேன். எல்லா நெளிவு சுழிவும் எனக்கு தெரியும். நட்டம் வருமேன்னு பயப்பட்டா ; லாபத்த பாக்கமுடியாது."

இப்படி ஆரம்பிக்குற பல தொழில்களும் கடைசில எப்படி முடியுது?  சினிமா மாதிரி தான் முடியுது. சினிமா தயாரிப்பாளர்கள் மனசுல என்ன இருக்கு. போட்ட முதல் திரும்ப வரணும். பிரஸ் மீட்ல இயக்குனர் இப்படி சொல்லுவாரு, "இந்த மாதிரி ஒரு தயாரிப்பாளர் கிடைக்க நான் குடுத்துவச்சிருக்கணும். எந்த குறுக்கீடும் இல்லாம எங்க வேலைய செய்யவிட்டாறு. அதனால தான் இந்த படம் இவ்வளோ சிறப்பா வந்திருக்கு."

படம் வெற்றினா அது இயக்குனரையும் நடிகரையும் சேரும். தோல்வினா, அடுத்த பிரஸ் மீட்ல இப்படி சொல்லுவாங்க. "நான் எதிர்பார்த்த மாதிரி படம் பண்ண முடியல சார். நானும் தயாரிப்பாளர் தான்னு சொல்லீட்டு மஞ்சப்பைல பணத்த தூக்கிட்டு வர்றாங்க. ஒரு மண்ணும் புரியாதவங்களா இருக்காங்க. எல்லாத்துலையும் மூக்க நுழைச்சா எப்படி. நான் எதிர்பார்த்த பட்ஜெட்ல படம் எடுக்கு முடியல. எவ்வளோ காம்ப்ரமைஸ் செஞ்சுகிட்டேன்."

சினிமா வியாபாரத்தில் நஷ்டம் ஏற்பட்டு விட்டது என்று பணத்தை திருப்பி கேட்பது சரியல்ல: நடிகர் கமலஹாசன்.

ஐம்பது வருடங்களுக்கும் மேலாக சினிமா துறையில் இருக்க கூடியவர் ; ஓடும் படங்களை சொந்த பணத்திலும் ஓடாத படங்களை ஊரான் பணத்திலும் எடுப்பவர். இவர் சொன்னால் சரியாகத்தான் இருக்கும்.

சரி ஒண்ணா சேர்ந்து தொழில் செஞ்ச நண்பர்கள் கதைக்கு வருவோம். தொழில் நல்லா போச்சுன்னா நல்லது. இல்லைனா என்ன நடக்குது.

"என்ன மச்சான் உன்ன நம்பித்தான் முதல் போட்டேன் இப்ப என்ன செய்யுறது?"

"மச்சி நான் சொல்லுறேன்னு தப்பா எடுத்துக்காத. தொழில்னா லாபம் நட்டம் மாறி மாறி தான் வரும். இன்னும் அதிக பணம் போடு. விட்டத எடுத்துடலாம்."

முதலீட்டாளார்களுக்கு :

பலபேரு நிர்வகிக்குற பங்கு வர்த்தகத்துல பணத்த போட்டாலும் சரி; நெருங்கிய நண்பனோட தொழில்ல பணத்த போட்டாலும் சரி, due diligence என்று சொல்லப்படும் சாதக பாதகங்களை அலசிப்பார்க்கும் வேலைய ஆரமத்துல இருந்து ஒவ்வொரு கட்டத்துளையும் சரியா செய்யணும். அதுக்கு தொழில் தெரிஞ்சிருக்கனும்கிறது அவசியம் இல்ல.

அடுத்தவர்கள் முதலீட்டில் தொழில் செய்பவர்களுக்கு : 

பத்துவருசத்துக்கு மேல ஒரு தொழில்ல இருக்க உங்களால தோல்விய முன்கூட்டியே கணிக்க முடியலைனா. நீங்க திறமைசாலி இல்லைன்னு அர்த்தம். தொழில சரியா கத்துக்குரதுல ; தொழில் செய்யுறதுல திறமை இல்ல உங்களுக்கு. 

இல்ல நான் திறமையானவன் தான். இந்த முறை சருக்கிடுச்சுனு சொன்னீங்கன்னா. உங்களுக்கு மலையாளத்துல ஒரு வார்த்தை சொல்லுறேன்.  "மட்டுல்லோரே பட்டிகருது மாஷே..." பட்டிக்காட்டான் மஞ்சப்பை

Unilever

பல் துலக்குவதில் இருந்து உறங்கப்போவதுவரை நாம் அன்றாடம் பயன்படுத்தும் பொருட்கள் பலவற்றில் இந்த முத்திரை இருக்கிறது. தொலைக்காட்ச்சி நிகழ்ச்சிகளுக்கு இடையே வரக்கூடிய விளம்பரங்களில் பெரும்பாலானவை இவர்களுடையது தான். FMCG Sector என்று அழைக்கப்படும் துறையில் உலகில் மூன்றாவது இடத்திலும்; இந்தியாவில் முதல் இடத்திலும் இருக்கிறார்கள். FMCG (Fast Moving Consumer Goods) என்பது பற்பசையில் துவங்கி தலைக்கு தேய்க்கும் என்னை ; முகத்துக்கு பூசும் பொடி ; குளிப்பதற்கு பயன்படுத்தும் பொருட்கள் துணி துவைக்க பயன்படுத்தும் சலவைப்போடி ; டீ காபி என அன்றாடம் பயன்படுத்தும் பொருட்ட்களை குறிக்கும்.

வணிகர்களாக நுழைந்து நாட்டையே அடிமைப்படுத்தியவர்கள் என்று வெள்ளைக்காரர்கள் பற்றி பள்ளிக்கூடத்தில் படித்திருக்கிறோம். இங்கிலாந்து மற்று டச்சு நாட்டு கூட்டு நிறுவனமான Unilever உலகின் எல்லா மூலையிலும் பரவி இருக்கிறது. இந்திய கூட்டாளியோடு "Hindustan Unilever Limited" என்ற பெயரோடு நாட்டுக்குள் நுழைந்த இந்த நிறுவனம் இப்பொழுது “Unilever Limited" என்ற தனி நிறுவனமாகவே செயல்படுகிறது.


"இந்தோனேசியா நாட்டில் வனம் அழிவதற்கான காரணகர்த்தா இவர்கள் தான்", என்று சுற்றுச்சூழல் ஆர்வலர்கள் இவர்கள் மீது குற்றம் சாட்டுகிறார்கள். இந்தோனேசியா நாட்டில், பாமாயில் எண்ணை உற்பத்தி செய்வதற்காக என்ற போர்வையில் அடர்ந்த காடுகளை அழித்து வருகிறார்கள். அவர்களிடமிருந்து இந்த நிறுவனம் அதிகஅளவில் கொள்முதல் செய்கிறது.

கொடைக்கானலில் இவர்களுடைய தொழிற்ச்சாலை ஒன்று இயங்கிவந்தது. Ponds India Thermometer division என்ற அந்த தொழிற்ச்சாலையில் பணிபுரிந்த பலருக்கு சிறுநீரக கோளாறு ஏற்ப்பட்டது. அந்த தொழிற்ச்சாலையில் இருந்து வெளியேறும் பாதரசம் மூலம் பலருக்கு உடல்நல கேடு விளைந்ததால் பொதுநல வழக்கு பதிவு செய்யப்பட்டது. நீதிமன்ற ஆணையின் காரணமாக அந்த தொழிற்சாலை மூடப்பட்டது. ஆனால் அவர்கள் இயங்கிய காலத்தில் புறம்போக்கு நிலத்தில் அவர்கள் கொட்டிவந்துள்ள பாதரச கழிவுகளினால் உள்ளூர் மக்கள் இன்னமும் பாதிப்புகளுக்கு ஆளாகிறார்கள். அந்த கழிவுகள் இன்றுவரை அப்புரப்படுத்தப்படவில்லை.

Swiz வங்கி

“மாப்புள, Siwz வங்கீல இருக்க நம்ம நாட்டு பணத்த கொண்டுவந்தா பத்து வருடத்துக்கு நிதிநிலை அறிக்கை தாக்கல் பண்ணலாம்.”

“பங்காளி, நம்ம நாட்டு கடன எல்லாம் அடைச்சுடலாம்.”

“அவன் கணக்குல இத்தனை ஆயிரம் கோடி இருக்கு இவன் கணக்குல அத்தனை ஆயிரம் கோடி இருக்கு." இப்படி ஆளுக்குதக்கான மாதிரி ஒருதொகைய சொல்லிக்கிட்டு இருக்கது நம்ம வாடிக்கையாபோச்சு.

கஞ்சா பயிருடுறது தப்பு ஆனா அது மூலமா வந்த வருவாய்க்கு வரி உண்டு. பல வருடமா வரி கெட்டாத வணிகர்களுக்கு அவ்வப்போது "சமாதன்" திட்டம் உண்டு. அது என்னனா அரசாங்கமும் வணிக நிறுவனமும் பேரம் பேசி ஒரு முடிவுக்கு வரும். "கருப்பு பணம் வச்சுருக்கவங்கலாம் உங்க பணத்த வந்து அரசாங்கத்துகிட்ட கொடுத்துருங்க நாங்க ஒரு கேள்வியும் கேட்ட்கமாட்டோம்.", இது நிதியமைச்சரா இருந்த திரு. சிதம்பரம் கொண்டுவந்த புரட்ச்சிகர திட்டம். இது தான் நம்ம நாட்டு வரி விதிப்பு மற்றும் வசூலிப்பு முறை.

அப்ப Swiz வங்கீல இருக்க நம்ம நாட்டு பணத்த கொண்டுவர்றதுக்கு வழியே இல்லையா?

"நீங்க பட்டியல் தந்தா அந்த பட்டியல்ல இருக்க உங்க நாட்டுக்காரங்க எத்தன கோடி வச்சுருக்காங்கன்னு சொல்லுறோம்" இது அந்த நாட்டு அரசு கொடுத்திருக்க அறிவிப்பு. நம்ம நாட்டு அரசாங்கம் அதுக்கு பட்டியல தர மாட்டாங்க.

இந்த மாதிரியான நிலைல ஒரு சம்பவத்த நாம கவனிக்கணும். அண்மைல ஜெர்மன் நிதி அமைச்சரும் Swiz நிதி அமைச்சரும் ஒரு உடன்படிக்கை கொண்டுவந்திருக்காங்க. அதன்படி ஜெர்மன் நாட்டுக்காரங்க Swiz வங்கீல எவ்வளோ பணம் வச்சுருக்காங்களோ அந்த தொகைக்கு ஏத்த மாதிரி ஒரு குறிப்பிட்ட விழுக்காடு பணத்த அவங்க கணக்குல இருந்து எடுத்து ஜெர்மன் அரசாங்கத்துக்கு கொடுக்குறதுக்கு Swiz வங்கி ஒத்துக்கிட்டுருக்கு. இப்ப கணக்கு வச்சுருக்கவங்க செத்துட்டா அந்த பணத்துல பாதி பணம் அரசாங்கத்துக்கு கை மாறிடும். ஜெர்மன் அரசாங்கத்த பொருத்தமட்டுல கலவானிக யாருன்னு பட்டியல் கிடைக்காது ஆனா அந்த பணம் உள்ளூருல இருந்தா எவ்வளோ வரி கிடைக்குமோ கிட்டத்தட்ட அதே அளவு பணம் கிடைக்குது.

இனிமே புதுசா கணக்கு தொடங்குரவங்க போடுற பணத்துல குறிப்பிட்ட விழுக்காடு ஜெர்மன் அரசாங்கத்துக்கு கிடைக்குற அதே நேரத்துல கணக்கு வச்சிருக்கவங்களோட பட்டியல் கொடுக்கப்படும். அதாவது உள்நாட்டுல இருக்க வங்கிகள் போலவே எல்லாம் வெளிப்படையா இருக்கும் யாரும் களவாணித்தனம் செய்ய முடியாது.

இந்தியாவுல எப்போ?

ஆன்மீகமா? நாத்தீகமா?

"ஆன்மீகமா? நாத்தீகமா? வீரமணியுடன் விவாதிக்க நான் தயார்" - நித்யானந்தா

சபாஷ் சரியான போட்டி. ரெண்டுபேருமே ஏச்சு பிழைப்பவர்கள் தான்.

கட்டுப்பாடு

//வர்த்தக விதிமுறைகளை மீறியதாகக் கூறி அமெரிக்காவிலிருந்து இறக்குமதியாகும் கோழிக் கறிக்கு தடை விதித்ததால் இந்தியா மீது அமெரிக்கா அதிருப்தி அடைந்துள்ளது. இந்த பிரச்சினையை உலக வர்த்தக மையத்திடமும் எடுத்துச் சென்றுள்ளது.

தடையை நீக்காவிடில் இந்தியாவிலிருந்து இறக்குமதியாகும் பொருள்கள் மீது கட்டுப்பாடுகளை விதிக்க அமெரிக்காவிற்கு உலக வர்த்தக மையம் அனுமதி அளிக்க வாய்ப்புள்ளது.//

என்னடா டகால்ட்டி பண்ணுறீங்க. எங்க ஊருல அதிகமா உர்ப்பத்தியாகுறதே Software Professionals தான். அதுக்கு தான் கிட்டத்தட்ட தடை விதிச்சிட்டீன்களே.


9 மார்ச்